Sujet 2013: D Basler Fyyrweer fyyrlet anderscht.

Unser Sujet

Vivamus ipsum velit, ullamcorper quis nibh non, molestie tempus sapien. Mauris ultrices, felis ut eleifend auctor, leo felis vehicula quam, ut accumsan augue nunc at nisl. Vivamus ipsum velit, ullamcorper quis nibh non, molestie tempus sapien. Mauris ultrices, felis ut eleifend auctor, leo felis vehicula quam, ut accumsan augue nunc at nisl.

Unseri Gòschdyym

Mr laufe als Fyyrweermanne und Fraue, …

Bildergallerie Fasnacht 2013

Latärne ypfife

Morgestraich

Cortége

Zischtig

Dr Zeedel.

Wäm lyttisch aa, wenn s‘Hyysli giggelroot
und lyychtendhell in Flamme stoot?
Nadyyrlig gschwind de Bumpjee mitem roote Waage.
Mit dr Spritzi goots däm Fyyr an Graage!
Si sinn zer Stell, wenn naime Noot am Maa isch,
Isch dini Situation au no so tragisch.
Hesch di mit dim Kaare dreimol iiberschlaage?
Liggsch jetzt yyklemmt näb dr Stroos im Graabe?
Drybt dis glaine Schiffli fierigsloos dr Ryy abe?
Bisch in dim Schreebrgaarte vonere Schlammlawiine yygraabe?
Hoggt di Byysi hilfloos uf me hooche Baimli?
Oder sin gar strammi Manne im Soldaterogg di Draimli?
Si rette di ganz heldehaft und das nid ungschiggt,
S‘isch ganz egal was fir e schregglig Ungligg.
Si steen fyr Männligkait, sin allewyyl au zueverlässig.
Doch ebbis gits, das macht se furchbaar hässig:
Wenn aine mitem Fyyr spiilt, sone Zinserli,
E Fyyrwäärgg-Baschdler. Gnau dorum winschte si,
Dass kaine aifach so kennt Gnaller boschde
Und dass s‘Abloo vo so Zyyg wurd Buesse koschde.
S‘gäb grad uf dr Stell e Schugger-Groossyysatz,
Wenn naime nur e Frauefiirzli platzt.
S‘ainzig legaale sin vilicht no d‘Wundrkeerzli,
Denn dr sicher Umgang mitem Fyyr muess gleert si!
Nur so isch s‘Wool vo jedem Biirger garantiert
Und d‘Fyyrweer wurd nit ganz so oft me alarmiert.
Mir als Amateer schyynts zwaar biz iibertriibe,
Doch offebaar isch gaar nyt iibrig bliibe
Im ständige Kampf gäge d‘Unvernumft
Was mi jetzt aifach no e weenig glunge dungt
Isch d‘Daatsach, dass dr ainzig gfäärlig Gnall,
An dr letschte Bundesfyyr e ganz e schwääre Fall
Vo Dummhait in de aigne Raaie gsi isch. Well halt sone Depp
Am Grillfeschd vo dr Fyyrweer ebbis zunde het,
Wo blatzt isch mit me Glapft, wie nit ganz bache!
Eerlig gsait, ych ha mir bitz ins Fyschtli glache!
Dr Grisou, säll schnuusig glaini Drache,
Wurdi wunnderbar nach Basel passe.
Do bi uns, als Fyyrweermaa hätt är si Friide,
Kennt freelig gschiidi Pläänli schmiide,
Wo alles sicher mache yyber siibe Egge,
Wo me Zit, e Donne Zaschder ka dryy yyne stegge
Und schlussändlig doch kai Mentsch au nur beachtet.
Schliesslig simmer noonig gaischdig so umnachtet.
Mags au mängmool scho e biz dr Aaschiin ha.
Lueg scho nur mol d‘ Paanigmachi a,
Vor däm Untergang am Ainezwanzigst vom Dezämber.
Und alles numme wäg em Ändi vom Kaländer.
Me miesst halt ab und zue und zwischeduure
Mol bitz iiberlegge und nid numme schnuure.
Doch wenn mer eerlig sin, so unter uns,
Mir liebe doch die herrlig Unvernumft.
Wisste gaarnit was mer miechte ohni all dä Blunder,
Alles wo vyyl z‘reede git isch fyr is Zunder.
Mache Fyyr, damit mer ebbis z‘lesche hän.
Mir bruuche das, damit mr s‘Beschde gän.
Das git dr graue Lyynwand halt dr farbig Dupf.
S‘Läbe wär suscht nurno lääderig und ohni Pfupf.
Drfyyr isch s‘beschte Byspiil, wome zaige ka
D‘Basler Fyyrweer, denn sii fyyrlet uf en aige Art.

Dr Zeedel zum daunlode

Vorträbler

Pfyffer

Pfyffermajor

%

Blauschfaggdor

Impressione

Pin It on Pinterest

Share This